"Канело" жазасының мерзімі аяқталған соң қандай шарттар бойынша жекпе-жек өткізе алатыны белгілі болды

Мексикалық боксшы Сауль "Канело" Альварес (49-1-2, 34 КО) Невада штатының Спортшылар комиссиясының (NSAC) допинг ережесін бұзғаны үшін жаза мерзімі аяқталғаннан кейін міндетті түрде үш бірдей допинг-сынақтан өтетін болады. Комиссия шығарған бұл шарт туралы AllBoxing.Ru порталы ringtv.com порталына сілтеме жасап хабарлап отыр. 

Комиссия мен боксшы арасындағы келісім бойынша, Невада штатындағы келесі жекпе-жегінің алдында Альварес 21,15 және 3 допинг сынақтарын жекпе-жекке үш күн қалғанда тапсыруы керек. Егер Альварес лицензияны Невада штатында алмайтын болса, бұл тексттердің нәтижесінің жоқтығы ешқандай ережені бұзбайды. 

Мақалада сондай-ақ Альварестің өз еркімен WBC кеңесі ұйымдастырған "Таза бокс" бағдарламасындағы допинг-сынақтардан шығып қалғаны айтылады. Енді ол рұқсат етілмеген дәрумен іше алады. Бірақ оның барлығы азғазынан келесі жекпе-жекке дейін шығып кететіндей етіп жоспарлап ішуі керек. 

"Таза бокс" бағдарларамасынан бас тартқан соң "Канело" WBC рейтингінен шығып қалуы мүмкін. Бірақ ұйым әлі Альвареске қатысты ещшқандай мәлімдеме жасамады. Бұл жағдай ұйымның "Таза бокс" бағдарламасының деңгейіне кері әсерін тигізуі де мүмкін. Айта кетейік, WBC Альварестің кленбутерол дәрімені ағзасына бұзылған ет арқылы түсті деген мәлімдемесін толық қолдаған болатын.

Сондай-ақ Альварес орта салмақтағы The Ring журналының чемпиондық белбеуінен де айырылып қалуы ықтимал. 

Еске салайық, әу баста Головкин мен "Канело" арасындағы кездесу 5 мамыр күні өтуі керек еді. Бірақ оның қанынан допинг табылып, тамыз айына дейін шеттетілді. Енді "Канелоның" орнына отандасымыздың қарсыласы америкалық Ванес Мартиросян болады. Жекпе-жек Лос-Анджелес қаласының маңындағы Карсон қаласындағы StubHub Center спорт кешенінде өтеді. Бұл кездесуді отандасымыз WBC, WBA (Super) және IBO белбеулерін қорғайды. Ал IBF белбеуі ұйымның келісімшарты бойынша бұл жекпе-жекте сарапқа салынбайды.