"Канело" допинг дауына қатысты ісі аяқталған соң кездесулерін Лас-Вегаста өткізбейтін болады

Мексикалық боксшы Сауль "Канело" Альварес (49-1-2, 34 КО) алдағы уақыттағы кездесулерін АҚШ-тың Лас-Вегас қаласында өткізбеуі мүмкін, деп хабарлайды boxingnews24.com порталы. 

Боксшы допинг дауына қатысты Невада штатының Атлеттер комиссиясының алдында жауап беретініне назары болып отыр. Себебі, "Канело" допингтің ағзасына бұзылған ет арқылы түскенін айтып ақталуда. 

Алдағы бір тәулікте өтетін жиын қорытындысыан кейін "Канело" Невада штатында үлкен кездесулерін өткізбейтін болады. Мұнда ол Лас-Вегас қаласында кездесулерін өткізетін еді. Енді жиыннан кейін мексикалық боксшының Golden Boy Promotions промоутерлік компаниясы Техас штатына ауыстыруы мүмкін. Бұл жерде ол бұған дейін бірнеше кездесу өткізген. 

Еске салайық, БАҚ "Канелоның" ертеңгі жиында жазасы бір жыл болуы мүмкін екенін айтты. Бірақ боксшы алты ай ғана өтеп, қалғанын айыппұл ретінде төлейтін болады. 

Айта кетейік, мексикалық Сауль "Канело" Альварес Головкинмен кездесуден бас тартқан соң, отандасымыз 5 мамыр күні кездесу өткізуге бел буған болатын. Бірақ оның қарсыласы әлі анықталмады. Өткен аптада тіпті жекпе-жек өтпей қалуы мүмкін деген ақпарат да шыққан еді. Өйткені, жекпе-жектің өтуіне уақыт аз қалды. Головкиннің қарсыласы болуы мүмкін деген боксшылардың қатарында ирландиялық Гэри О’Салливан болды. Дегенмен де кейін ол кездесуден бас тартты.

Содан соң отандасымыздың қарсыласы Ванес Мартиросян (36-3-1, 21 КО) болады делінген. Тіпті америкалық боксшы WBC және WBA ұйымдарынан рұқсат та алған. Бірақ IBF түбі армениялық боксшы кездесуге қатысуға рұқсат бермеді. Өйткені, Головкиннің IBF белбеуінің негізгі қарсыласы украиналық Сергей Деревяченко. Бұл мәселенің барлығы алдағы бір тәулікте Альварестің ісі қаралғаннан кейін шешілуі керек.

Головкин мен "Канело" арасындағы бірінші кездесу дәл осы Лас-Вегас қаласында өтіп, тең аяқталған болатын. Бұл боксшылар арасындағы екінші кездесуде осы қалада өтуі керек еді. Бірақ допинг дауына байланысты бұл кездесу өтпейтін болды.