Қанат Исламның промоутері таңдаудың неге Брэндон Кукқа түскенін айтты

Бірінші орта салмақтағы WBO NABO және WBA Inter-Continental тұжырымдары бойынша әлем чемпионы Қанат "QAZAQ" Исламның (24-0, 19 КО) промоутері Нельсон Лопес Vesti.kz порталының тілшісіне қазақстандық боксшының келесі қарсыласы ретінде Брэондон Кукты таңдап алғанын айтып берді. 

"Біз Қанат Исламның келесі қарсыласы ретінде Брэндлн Куктың жайдан-жай таңдап отырған жоқпыз. Канадалық боксшының көрсеткіші керемет. Ол WBA-NABA super және WBA-NABA super белбеулерінің иегері. Кәсіпқой бокста 18 кездесу өткізіп, оның барлығында жеңіске жеткен. Тіпті 11 рет қарсыластарын нокаутқа жіберген. Бокстан бейхабар адамдар ғана Кукты Ислам үшін әлсіз қарсылас деп ойлауы мүмкін. Тек бокстан еш хабары жоқ адамдар ғана осындай шешім шығара алады. Ал сол дилетанттар кәсіпқой бокста қандай табысқа қол жеткізді? Кәсіпқой бокс туралы не біледі?

Белбеуге қол жеткізген қазақстандық боксшыларды санап көрейікші. Сол кезде бәрі анықталатын шығар. Василий Жиров, Бейбіт Шүменов, Геннадий Головин және Жанат Жақиянов ғана. Қазіргі уақытта Қанат Ислам да белбеуге ие болуға өте жақын қалды. Ол әуесқой бокста жасындай жарқылдап, кәсіпқой боксты керемет өнер көрсетіп жүрген санаулы боксшылардың бірі. 24 кездесу өткізіп, барлығында жеңіске жетті. 19 кездесуде қарсыластарын сұлатын салды. Жақын арада Қанат Ислам да әлемдегі белді ұйымдардың чемпиондық белбеуіне ие болады. 

Жетістік деген оңай келетін дүние емес. Сол үшін де біз талай тер төгіп, көптеген жұмыстарды атқарып келеміз. Ислам ертең, тіпті дәл қазір әлемнің мықты деген боксшыларымен кездесуге дайын. Оның технико-тактикалы, физикалық дайындығынығ деңгейі жоғары. Бірақ кәсіпқой бокста мықты боксшылармен жекпе-жек ұйымдастыру оңай емес. Кәсіпқой бокс әлемі - тұнып тұрған бір индустрия. Егер уақыттың алдына түсіп жүгіретін болсаң, ойламаған жерде оңбай сүрінуің мүмкін. Қазірдің өзінде Қанат Исламды Қазақстанны қатты құрмейтті. Мұның өзі аз дүние емес! 

Геннадий Головкиннің өзі бірден чемпион болды ма? Жоқ. Головкин бұл деңгейге жету үшін қанша белестен өтті. Біз де сол белестерді бағындырып келеміз. Белбеуге жету үшін аз уақыт қалды", - дейді Лопес. 

Еске салайық, Ислам мен Кук арасындағы кездесу 9 қыркүйек күні Астанадағы бокс кешінде өтеді.