Қанат Ислам Ковалев пен Ломаченконың менеджерімен келісімшартқа отырды

Сурет Қанат Исламның Facebook желісіндегі парақшасынан алынды

The Ring журналының нұсқасы бойынша 2017 жылдың ең үздік менеджері Эгис Климас бірінші орта салмақта өнер көрсетіп жүрген қазақстандық боксшы Қанат Исламмен келісімшартқа отырды, - деп хабарлайды vRINGe.com.

Қанат Ислам 1984 жылы 13 қыркүйекте Қытайда дүниеге келген. 2010 жылы ол Қазақстанға көшіп келген. Ол кәсіпқой боксқа 2012 жылы ауысты. Бұған дейін Қанат әуесқой бокста Қытай атынан Бейжің Олимпиадасына қатысып, қола медаль алған еді. Елге оралған соң WSB сериясында өнер көрсететін елордалық "Астана арландары" командасының намысын қорғады.

Айта кетейік, Қанат Ислам Климас Сергей Ковалев (31-2-1, 27 КО), Василий Ломаченко (10-1, 8 КО) және Александр Усик (14-0, 11 КО) секілді танымал боксшылармен жұмыс істеп жатыр.

Осыған дейін Қанат Исламның АҚШ-та және Қазақстанда бірнеше жекпе-жек өткізетіні туралы хабарланды. Қазақстандық боксшының командасы АҚШ-қа ұшып кеткен.

Қанат Ислам соңғы жекпе-жегін 2017 жылы 9 қыркүйекте Астанада канадалық Брэндон Кукпен (19-1, 12 КО) шаршы алаңда жұдырықтасып, техникалық нокаутпен жеңіп WBO NABO және WBA Inter-Continental белбеулерін иеленген еді.

Қазіргі уақытта Ислам Бүкіләлемдік бокс кеңесінде (WBA) бірінші орта салмақта көш бастап тұр. Өткен жылдың қарашасында ұйым қазақстандық боксшыны чемпиондық атаққа иіндетті қарсылас ретінде тағайындады. Оның қарсыласы Джон Вера (18-0, 11 КО) болуы тиіс еді.

Әлеуметтік желілерде бөлісу