Қанат Ислам Хулио Сезар Чавестің бұрынғы қарсыласын жеңді

Сурет: Vesti.kz©

Орта салмақта өнер көрсететін қазақстандық боксшы Қанат Ислам кәсіпқой бокстағы кезекті жеңісіне қол жеткізді,- деп хабарлайды Vesti.kz тілшісі.

Отандасымыз Майами (Флорида штаты, АҚШ) қаласында өткен бокс кешінде өнер көрсетті. Әу баста негізі оның қарсыласы 33-жастағы ганалық Ободай Саи (35-3-1, 26 КО) болатын. Бірақ кездесуге бірнеше уақыт қалғанда қарсылас ауысып, Ислам 27 жастағы эквадорлық Джейсон Миндамен (14-4-1, 8 КО) кездесті.

Бұл кездесу он раундқа жоспарланған. Бірақ айқас жетінші раундта аяқталды. Қазақстандық боксшы қарсыласын төртінші раундта нокдаунға жіберді. Жетінші раундта төреші тағы есеп ашты. Ол кезде Минда есін жиып үлгергенімен, Ислам қарсыласын қайта құлатты. Осылайша жекпе-жек аяқталды.

Айта кетейік, аталған айқас Қанат Ислам 2019 жылдан бергі бірінші жекпе-жек болды. Ол соңғы рет Алматы қаласында намибиялық Уолтер Каутондокваға қарсы шығып, жеңіске жеткен болатын. Ол кезде қазақстандық боксшы орта салмақта WBO International белбеуін жеңіп алды.

Ал Минда болса соңғы кездесуін өткен жылдың қараша айында өткізіп, мексикалық Хулио Сезар Чавестен (52-5-1, 34 КО) жеңіліп қалды.

Әлеуметтік желілерде бөлісу