Жүкембаевқа әлем чемпионы атағын тезірек жеңіп алуын тілеймін - Фируза Шарипова

Кәсіпқой бокстағы тұңғыш боксшы қызымыз Фируза Шарипова қазақстандық Батыр Жүкембаевты (8-0, 7КО) мексикалық Давид Ранхелды (12-5, 8КО) жеңуімен құттықтады, - деп хабарлайды Vesti.kz қазақ бөлімі.

"Батыр Жүкембаев, жарайсың! Тамаша жекпе-жек, керемет нокаут. Жасай бер! Жанкүйер болдық, Квебектегі бокс кешін тамашаладық. Өз басым жекпе-жек ұзаққа созылады деп ойламадым. Мықты қарсыласты 2,5 минутта жеңу - жақсы көрсеткіш. Жартылай орта салмақта әлем чемпионы титулын тезірек жеңіп алуды тілеймін. Меніңше, Жүкембаев бұған лайық. Сондықтан жанкүйер болып, жарқын жеңістер күтеміз", - деді Фируза Шарипова.

Еске салайық, Жүкембаев жекпе-жектің 2-ші минутында қарсыласын нокаутқа түсіріп, жеңіске жеткен еді. Жекпе-жектің видеосын мына жерден көре аласыздар. Осы бокс кешінде қазақстандық тағы бір боксшы Абылайхан Құсайынов жеңіске жеткен еді.