Жеңілмеген қазақстандық боксшы промоутерімен жұмыс істеуін тоқтатты

Екінші орта салмақта өнер көрсететін қазақстандық боксшы Нұрзат Сабиров канадалық Eye of the Tiger Management промоутерлік компаниясымен жұмыс істеуін тоқтатты,- деп хабарлайды Journaldequebec.com.

Боксшы мен компания келісімшартты не үшін бұзғаны белгісіз. Бірақ бұл компаниямен Садриддин Ахметов және Батыр Жүкембаев секілді қазақ боксшылары жұмыс істеп жатыр. 

26 жастағы Собиров соңғы рет шаршы алаңға биыл ақпан айында шықты. Ол Канаданың Римуски қаласында өткен бокс кешінде 30 жастағы мексикалық Рикардо Адриана Луну Флореспен кездесіп, жеңіске жетті. 

Бұл қазақстандық боксшының кәсіпқой бокстағы 11 кездесудегі 11 жеңісі еді. Тоғыз кездесуде Нұрзат қарсыластарын нокаутпен жеңген.