Қазақстаннан шыққан тұңғыш кәсіпқой боксшы Фируза Шарипованың менеджері Сергей Завилейский қазақстандық боксшы қыздың жоспарларында өзгері болғанын айтты. Бұл туралы
AllFight.Ru порталы хабарлайды.
"Біз Фируза Шарипованың келесі жекпе-жегін 1 сәуір күні өткізуді жоспарлаған едік. Бірақ өткен жекпе-жегінің алдында алып қалған жарақаты Фирузаның алдағы жоспарларына өзгерістер енгізді. Жарақатынан айығып алу үшін оған біраз уақыт керек. Жекпе-жектен кейін Лужникидегі емханадан бақылаудан өтті. Абырой болғанда жарақаты аса ауыр емес. Бізге 21 күн спарринг өткізбееңдер деп кеңес берді. Ал спаррингсіз жекпе-жекке толық дайындалу мүмкін емес. Сондықтан да Шарипованың келесі жекпе-жегі 22 сәуірден кейін өтеді", - дейді Сергей Завилейский
Еске салайық, өзінің соңғы жекпе-жегін 4 наурыз күні Балаших қаласында ресейлік Юлия Чернобородовамен өткізіп, төрешілердің шешімі бойынша жеңіске жеткен еді. Бірақ бұл жекпе-жекке ол мұрны сынып шыққан еді.
Жарнама