Жапон боксшысын жеңген Жанқош Тұраров екінші чемпиондық атаққа ие болды

Кәсіпқой боксшы Жанқош Тұраров (28-0, 20 КО) Алматыдағы бокс кешінде жапониялық боксшы Акихиро Кондодан (37-12-2, 21 КО) айласын асырды. Осылайша, ол екінші чемпиондық атағына ие болды. 

33 жастағы отандасымыз қарсыласымен 12 раунд бойы жұдырықтасты. Нәтижесінде төрешілердің бірауыздан шыққан шешімімен айқын жеңіске жетті. Жанқош 118:110, 120:108, 118:110 есебімен басым болды. 

Жанқош бірінші жартылай орта салмақта IBO чемпиондық атағын қорғап қана қоймай, бос тұрған WBA Gold белбеуін жеңіп алды.