27-ақпан күні Алматы қаласында MTK Fight Night промоутерлік компаниясының бокс кеші өтеді,- деп хабарлайды компанияның баспасөз қызметі.
Аталған бокс кешінде аса ауыр салмақтағы қазақстандық боксшы, ұлттық құраманың капитаны, Азия біріншілігінде екі рет финалға дейін жеткен Қамшыбек Қоңқабаев шаршы алаңға шығады. Оның қарсыласы британиялық Стивен Уорд (13-1, 4 КО) болады.
Дәл осы жекпе-жек кешінде қазіргі уақытта АҚШ жерінде дайындалып жүрген Жәнібек Әлімханұлы да шаршы алаңға шығады. Оның қарсыласы әлі белгісіз.
Айта кетейік, осы күні MTK Kazakhstan промоутерлік компаниясының да жекпе-жектері өтеді. Бұл кеште Абай Төлеш, Талғат Шәйкен, Әли Балоев, Нұрдос Төлебай, Нұртас Әджанов секілді боксшылар өнер көрсетеді.
