Орта салмақтағы қазақстандық боксшы Жәнібек Әлімханұлы (11-0, 7 КО) келесі қарсыласы туралы мәлімдеме жасады, деп жазады Vesti.kz тілшісі.
Еске салайық, отандасымыз бірнеше күн бұрын ғана әлемнің бұрынғы чемпионы франциялық Хассан Н'Дам Н'Жикамды (38-6, 21 КО) жеңген еді. Содан соң да отандасымыз бірнеше мәрте мәлімдеме жасап, әлем чемпиондарын айқасқа шақырды.
Ал бүгін ол Instagram парақшасында "Келесі кім болады?", - деп жазба қалдырды.
Айта кетейік, соңғы жеңісінен кейін Әлімханұлы WBO басшыларынан америкалық әлем чемпионы Деметриус Андрадемен (31-0, 19 KO) жекпе-жек ұйымдастыруды сұраған болатын.