Жақиянов пен Барнетт арасындағы бокс кешінде жұдырықтасатын боксшылардың барлығы дерлік анықталды

©:boxingscene.com

21 қазаннан 22 қазанға ауысқан түні жеңіл салмақта WBA (Super) белбеуінің иегері қазақстандық боксшы Жанат Жақиянов осы салмақта IBF белбеуінің иегері британдық боксшы Райан Барнеттпен жекпе-жек өткізеді.

Жекпе-жек Солтүстік Ирландияның Белфест қаласындағы The SSE Arena спорт кешенінде өтеді. Кездесуді НВО арнасы тікелей эфирде көрсетеді. Ал Қазақстанда бұл кездесуді QazSport арнасы тікелей эфирде көрсетеді.

Бокс кешінің негізгі кездесулері Астана уақытымен 00:30-да басталады. Кештің басты жекпе-жегінде өнер көрсететін Жақиянов пен Барнетт шаршы алаңға 03:45-те шығады.

Бүгін осы бокс кешін ұйымдастырып жатқан Matchroom Boxing промоутерлік компаниясы жекпе-жек кешіне қатысатын боксшылардың барлығын дерлік жариялады.

Жекпе-жек кешіне қатысатын боксшылардың тізімі:

Пол Хайлэнд (16-0, 6 КО) — Стивен Ормонд (24-4, 13 КО) (жеңіл салмақта, IBF тұжырымы бойынша Шығыс және Батыс Еуропаның чемпиондық белбеуі)

Джеймс Теннисон (19-2, 15 КО) — Даррен Трейнор (14-1, 6 КО) (екінші жеңіл салмақ, WBA International белбеуі сарапқа салынады)

Тайрон Маккенна (14-0-1, 6 КО) — Ренальд Гарридо (19-16-2, 3 КО) (бірінші жартылай орта салмақ)

Фергал Маккрори (6-0, 3 КО) — Каллум Бусуттил (2-0, 0 КО) (екінші жартылай орта салмақ)

Джош Келли (3-0, 2 КО) — Хосе Луис Суньига (13-2-1, 7 КО) (жартылай орта салмақ)

Томми Маккарти (9-1, 5 КО) — Питер Хегйес (8-16, 4 КО) (бірінші ауыр салмақ)

Джо Фитцпатрик (7-0, 4 КО) — Мвеня Чисанга (1-1, 0 КО) (жеңіл салмақ)

Гэри Калли (1-0, 1 КО) — Джош Торн (1-10-2, 0 КО) (жеңіл салмақ)

Энтони Фаулер (3-0, 3 КО) — Ласло Фазекаш (31-27-1, 18 КО) (бірінші орта салмақ)

Дэвид Оливер Джойс (3-0, 2 КО) — Энди Харрис (3-52-1, 0 КО) (жеңіл салмақ)

Крейг Ричардс (9-0, 3 КО) — қарсыласы әлі анықталған жоқ (орта салмақ).

Әлеуметтік желілерде бөлісу