Жақиянов әлемдік рейтингте өз орны бар екенін дәлелдеді - ESPN журналисі

ESPN журналисі Уилл Кент Қазақстандық Жанат Жақияновты (27-2, 18 КО) пен жеңіл салмақта IBF және WBA (Super) тұжырымдары бойынша әлем чемпионы атанған солтүстікирландиялық Райан Барнетт арасында өткен жекпе-жекке байланысты пікір білдірді, - деп хабарлайды Vesti.kz. 

Жақиянов пен Барнетт арасындағы жекпе-жек қазанның 21-нен 22-не қараған түні Белфаст қаласында өтті. Белфаст қаласындағы SSE аренасында өткен бокс кешінің басты жекпе-жегінде шаршы алаңға шыққан боксшылар 12 раунд бойы жұдырықтасты. Кездесу аяқталысымен төрешілердің шығарған шешімі мынадай болды: 118-110 119-109 және 116-112.

"Бұл сұмдық жоғары темпте өткен жақын дистанциядағы жекпе-жек болды. Жақиянов өзінің әлемдік деңгейде тек мықты қарсылас қана еместігін, сонымен қатар кез келген соққыға дайын боксшы екенін дәлелдеді. Ол бірнеше жойқын соққыларды қабылдап, соған төтеп бере алды. Соған қарамастан, Барнетт жеңіске лайықты өнер көрсетті, ол жылдам қозғалды, таңғаларлық комбинациялар ментөзімділігін көрсете білді. Ол өзін тағы бес раундқа шыдайтындай етіп көрсетті", - деді Кент. 

Кездесудің видеосы да жарияланды. Айта кетейік, Жақияновты жеңген Барнет жекпе-жек соңынан денсаулығын тексеру үшін ауруханаға жеткізілген. Бұл туралы The Times тілшісі Рон Льюис Тwitter желісіндегі парақшасында жазды.

Жанат Жақиянов WBA (Super) белбеуінен айырылып қалды, ол оны биыл ақпанда иеленген еді. Қазақстандық боксшы спорт мансабында 27 рет жеңіске жетіп (18 КО), екінші рет тізе бүкті, ал оның қарсыласы әлі жеңілген жоқ - 18 жеңіс (11 КО).