Ислам мен Кук жекпе-жегінен кез-келген нәтижені күтуге болады - америкалық маман

Америкалық боксшы Бобби Ганнның (23-7-1, 20 КО) командасында жұмыс істейтін америкалық маман (23-7-1, 20 КО) Vesti.kz порталының тілшісіне қазақстандық боксшы Қанат Ислам (24-0, 19 КО) мен канадалық Брэндок Кук (18-0, 11 КО) арасындағы кездесуден кез-келген нәтижені күтуге болатынын айтты.

"Менің ойымша, бұл кездесудің фовариті Қанат Ислам. Дегенмен де Куктың соңғы жекпе-жектеріне қарайтын болсақ, оның осал боксшы емес екенін көреміз. Ислам бірінші рет әлі жеңілмеген боксшымен кездесейін деп жатыр. Қанат Ислам кездесудің басында қарсыласы ауыр соққысымен бір есеңгіретіп алмаса, онда ары қарай кездесу ол үшін қиын өтеді. Кук соққыларды жақсы көтере алады. Күтпеген жерден қарымта шабуылға да жақсы шығады. Сондықтан да бұл кездесуден кез-келген нәтижені күтуге болады", - дейді Джо Мак

Еске салайық, Қанат Ислам мен Брэндон Кук арасындағы кездесу 9 қыркүйек күні елордамыз Астана қаласында өтеді. Канадалық боксшы өзінің соңғы кездесін отандасы Стивен Батлерге қарсы өткізіп, нокаутқа түсірген болатын.

Қанат Ислам болса өзінің соңғы кездесуін 26 мамыр күні мексикалық Норберто Гонсалеске қарсы өткізіп, 12 раундтың қорытындысы бойынша төрешілердің шешімімен жеңіске жетті. Сөйтіп орта салмақтағы WBO NABO және WBA Inter-Сontinental тұжырымы бойынша чемпиондық белбеулерін жеңіп алды. Қазіргі уақытта отандасымыздың еншісінде 24 кездесу бар және боксшымыз оның барлығында жеңіске жеткен. 19 кездесуде ол қарсыластарын нокаутқа жіберген.

Әлеуметтік желілерде бөлісу