Головкиннің промоутері Мартиросянның О'Салливаннан артықшылығын айтып берді

boxingscene.com

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкиннің (37-0-1, 33 КО) промоутері Том Леффлер америкалық Ванес Мартиросянды (36-3-1, 21 KO) қолжетімді боксшылардың арасындағы ең мықтысы екенін айтты.

Головкин мен Мартиросян арасындағы кездесуін 5 мамыр күні Карсон қаласындағы (Калифорния штаты, АҚШ) StubHub Center спорт кешешінде өтеді. Негізі әу баста отандасымыз бұл күні Сауль "Канело" Альвареспен (49-1-2, 34 КО) кездесуі керек болатын. Бірақ мексикалық боксшы жекпе-жекке екі ай қалғанда допингпен ұсталып, бокстан шеттетілді. Кейіннен жекпе-жек өтпейтін болды.

Головкин мен Мартиросян бокс кешінің андеркартында шаршы алаңға шығатын тағы екі боксшы анықталды

Содан соң Головкиннің командасы ирландияқ Гэри О'Салливанмен кездесу өткізу туралы келіссөз жүргізген. Бірақ сыйақының аздығына және жекпе-жекті НВО арнасы PPV жүйесі бойынша көрсетпейтіндіктен О'Салливан кездесуден бас тартты. Енді ирландиялық боксшы өзінің келесі кездесуін 4 мамыр күні өткізеді. Бұл жекпе-жекті ESPN арнасы тікелей эфирде көрсетеді.

"Біз Ванестің көрсеткіші О'Салливанға қарағанды мықты деп есептейміз. Гэриға ренжімеңіздер. Ол жұма күні ESPN арнасындағы шоуда өнер көрсетеді. Әрине, жекпе-жек Лас-Вегаста НВО арнасынан PPV жүйесінен Карсон қаласында НВО арнасында қарапайым эфирде көрсетілетін болған соң, қаржылық соммасы өзгереді.

Біз Гэримен келісе алмадық. Бірақ Ванестің жанкүйерлері көп. Ванесті осал қарсылас деуге келмейді. Оның тәжірибесі көп. Тіпті әуесқой бокстағы көрсеткіштері де жақсы. Бірақ ол шаршы алаңға үреймен шығады", - деп келтіреді Леффлердің сөзін BoxingScene.com порталы.

Әлеуметтік желілерде бөлісу