Головкиннің IBF белбеуіне таласатын міндетті қарсылас кім болуы мүмкін?

Қазақстандық боксшы Геннадий Головкиннің IBF белбеуіне таласатын боксшының есімі жуық арада белгілі болады.

Boxing-mma.com порталының таратқан мәліметі бойынша, 25 тамыз күні АҚШ-тың Майами қаласындағы Buffalo Run Casino кешенінде жеңіліп көрмеген украиналық Сергей Деревянченко мен Багам аралдарының боксшысы Туреано Джонсон өзара кездесу өткізеді. Осы кездесуде жеңіске жеткені отандасымыздың IBF белбеуіне таласатын міндетті қарсылас атаналы.

31 жастағы Сергей Деревянченко кәсіпқой бокстағы 2014 жылы ауысып, сол уақыттан бері он кездесуде барлық қарсыластарын тізе бүктірген. Сегіз рет ол қарсыластарын сұлатын салған. Орта салмақтағы IBF рейтингінде алтыншы орында келеді.

33 жастағы Джонсон болса кәсіпқой бокста 2010 бері өнер көрсетіп келеді. Ол осы уақытқа дейін 21 кездесу өткізіп, 20-да жеңіске жетсе, бір кездесуде жеңіліп қалған. Рейтингте 24 орында тұр.

Еске салайық, Деревянченко қазақстандық бокс жанкүйерлеріне жақсы таныс боксшы. Ол Бүкіләлемдік бокс сериясында елордалық "Астана арландары" клубының намысын екі жыл қорғаған.

Әлеуметтік желілерде бөлісу