Головкиннің бапкері "Канелоның" басты қателігін айтып берді

Орта салмақта салмақта WBA (Super), IBO, WBC және IBF тұжырымдары бойынша әлем чемпионы қазақстан Геннадий Головкиннің (37-0-1, 33 КО) бапкері Абель Санчес 5 мамыр күні өтетін кездесудің алдында мексикалық Сауль "Канело" Альварестің басты қателігін айтып берді. 

Санчес Альварестің екінші кездесуде Головкинді нокаутқа түсіретініне сенбейтінін жеткізді. Маманның айтуынша, мұндай сөздермен мексикалық боксшы тек өзіне проблемма жасап алады екен. 

"Мен шамалы уайымдап жүрмін. Мұндай жекпе-жек боксқа керек. Шамалы күмәнмен аяқталған бірінші кездесуден кейін жанкүйерлер екінші кездесуді көргісі келеді. Бізге бұл кездесудің жарнамасын жасап, әлемді аралауымыздың қажеті жоқ. Бұл боксшылар арасындағы бірінші кездесудің өзі-ақ үлкен жарнама болды. 

Менің ойымша "Канело" екінші кездесуді қызықтырақ өткізеді алады. Бірақ ол үшін Альварес қашпай, Головкинді нокаутқа түсіремін деп жұдырықтасуы керек. Егер ол тағы да қаша беретін болса, жанкүйерлердің көңілін қалдырады. 

Бірінші кездесуде көпшілік 8-4 есебімен жеңісті Головкинге беретін еді деп ойлаймын. Енді екінші кездесуде Головкин мен "Канело" ашық айқасса, кездесуді одан да қызық болады. Өткен жолы Альварес Головкинді оныншы раундта нокаутқа түсіремін деп еді. Мұндай пікірді Бернард Хопкинс пен Оскар Де Ла Хойя да айтты. Бірақ олай болмады. Енді олар тағы да осылай қайталап жатыр. Бұл арқылы "Канело" тек өзіне қиындық туғызып отыр. Егер Головкин бірінші кездесудегідей жұдырықтасса, жеңіске жетеді. Ал "Канело" қашпай жұдырықтасса, біз басқа жекпе-жекті, жанкүйерлер күткен классикалық кездесуге күә боламыз", - деді Санчес On the Ropes Boxing Radio берген сұқбатында. 

Айта кетейік, Головкин мен "Канело" арасындағы екінші кездесу 5 мамыр күні өтеді. Жекпе-жекті қабылдауға сол Лас-Вегас қаласы фоварит болып тұр. Сондай-ақ Нью-Йорк қаласында кездесуді қабылдауға дайын.