Головкиннің Астанадағы жекпе-жегіне нақты жауапты тек оның командасы бере алады - Ерлан Бекхожин

©espn.go.com

Қазақстанның кәсіпқой бокс федерациясының президенті Ерлан Бекхожин Vesti.kz порталының тілшісіне орта салмақтағы WBA (Super), IBO, WBC және IBF тұжырымдары бойынша әлем чемпионы Геннадий Головкиннің маусым айында Қазақстанда жекпе-жек өткізуден бас тартқандығына байланысты пікірін білдірді.

- Бұл ақпараттың қаншалықты рас екенін Головкиннің командасынан біліп алу керек. Астанада жекпе-жек өтеді ме деген сауалға тек ғана оның командасы жауап бере алады. Олар Қазақстанға келеміз деген еді. Бірақ қазір ешқандай ақпарат жоқ. Мен Головкинмен байланысып отыратын қазақстандық ұйымдастырушылармен байланыс ұстап тұрамын. Олар Головкиннің командасы қойған шарттардың барлығын орындадық деді. Қазір олар да жауап күтіп отыр. Осыдан екі апта бұрын Головкиннің Қазақстанға келуі туралы сөйлескен еді. Сол уақыттан бері әлі ешқандай ақпарат жоқ", - дейді Бекхожин.

- Қыркүйекте "Канелоны" Астанаға шақыру мүмкін бе?

- Әрине. Бірақ қыркүйекте бізде іс-шаралар көп. Қалада қонақтар көп болады. Сондықтан оның күні мен нақты өтетін уақытын белгілеп алу керек.

Айта кетейік, кеше Геннадий Головкиннің маусым айында Астанада Билли Джо Сондреспен өтуі мүмкін деген жекпе-жектен бас тартқаны туралы белгілі болған еді. Оған Головкиннің қыркүйекте "Канеломен" жекпе-жек өткізуі себеп болған.

Әлеуметтік желілерде бөлісу