Головкиннің андеркартында шығатын Али Ахмедов әлем чемпионы атағына таласатын болды

Қазақстандық кәсіпқой боксшы Али Ахмедов өзінің келесі кездесуінде екінші орта салмақтағы әлем чемпионы атағы үшін жекпе-жек өткізеді, деп жазады Vesti.kz порталы. 

Бұл ақпаратты Бүкіләлемдік бокс ұйымы (IBO) растады. 

Breaking News: December 18th Ali Akhmedov???????? vs. Carlos Gongora???????? for the @IBOBoxing World Super Middleweight title on the @GGGBoxing undercard on @DAZNBoxing. Someone's 0 got to go. pic.twitter.com/XIMwUKxmxF

— IBOBoxing (@IBOBoxing) December 4, 2020

Ахмедов келесі кездесуін 18-желтоқсан күні Холливуд (Флорида штаты, АҚШ) қаласында өткізеді. Бұл бокс кешінің басты жекпе-жегінде қазақстандық Геннадий Головкин мен Камиль Шеремета шаршы алаңға шығады. 

25 жастағы Ахмедовтің қарсыласы 31 жастағы эквадорлық Карлос Гонгора болады. Ол кәсіпқой бокста 18 кездесу өткізіп, барлығында жеңіске жеткен. 13 кездесуінде Гонгора қарсыласын нокаутпен жеңген. Жекпе-жек 12 раундқа жоспарланып отыр.