Головкиннің андеркартында өнер көрсеткен Руслан Мәдиев қарсыласынан үстем түсті

GGG Promotions

Бірінші жартылай орта салмақта өнер көрсететін қазақстандық боксшы Рулсан Мәдиев Карсон қаласындағы (Калифорния штаты, АҚШ) өткен бокс кешінде мексикалық қарсыласы Хесус Перестен айласын асырды.

Бұл бокс кешінің басты жекпе-жегінде орта салмақтағы WBA (Super), WBC, IBF және IBO тұжырымдары бойынша әлемнің абсолютті чемпионы қазақстандық Геннадий Головкин (37-0-1, 33 КО) мен америкалық Ванес Мартиросян (36-3-1, 21 КО) арасындағы кездесу болған еді.

Мәдиев пен Перес арасындағы кездесу он раундта жоспарданған. Кездесудің ең тартысты кезеңі тоғызыншы раудт болды. Бұл раундта Мәдиев қарсыласын қарсыласын қыспаққа алған еді. Бірақ Перес соңына дейін шыдап берді. Сөйтіп, боксшылар он раунд жұдырықтасты. Оның қорытындысы бойынша, төрешілер жеңісті бірауыздан қазақстандық боксшыға берді.

Осылайша 25 жастағы Мәдиев кәсіпқой бокста 12 кездесу өткізіп, барлығында жеңіске жетті. Өз кезегінде АҚШ жерінде бірінші кездесуін өткізген Перес болса 21 кездесуінде бірінші рет жеңілді.

Айта кетейік, Мәдиев Головкиннің GGG Promotions компаниясының атынан өнер көрсетеді. Қарағандылық боксшы Головкиннің бапкері Абель Санчестің қол астында дайындалады.

Назарларыңызға бұл кездесудің ең қызықты сәттерін ұсынамыз: