Головкинмен бірге жаттығатын қазақстандық боксшы келесі қарсыласынан жеті келіге жеңіл болып шықты

Али Ахмедов пен Геннадий Головкин. Боксшының жеке мұрағатынан

Жартылай ауыр салмақта өнер көрсетіп жүрген қазақстандық боксшы Али Ахмедов (11-0, 8 КО) кәсіпқой бокстағы 12 раундтық кездесуінің алдында салмақ өлшеу рәсімінен өтті, - деп хабарлайды Vesti.kz.

Тамыздың 8-нен 9-на қараған түні АҚШ-тың Калифорния штатындағы Голливудта өтетін Hollywood Fight Nights 2 бокс кешінде 22 жастағы Ахмедов 33 жастағы жергілікті Хорхе Эскалантеге (9-1-1, 6 КО) қарсы жекпе-жек өткізеді.

Жекпе-жекке бір күн қалғанда Ахмедовтың салмағы 176,6 фунт (79,83 келі), ал Эскаланте қазақстандық боксшыдан жеті келі асып түсті - 190,6 фунт (86,45 келі).

Айта кетейік, бұл кедесуге Ахмедов Big Bear лагерінде өз отандасы WBC, WBA (Super) және IBO тұжырымдары бойынша әлем чемпионы Геннадий Головкинмен (38-0-1, 34 КО) бірге жаттығу жасады.

Ахмедов шаршы алаңға 2016 жылы мамырда шыққан еді, ол бастапқы төрт кездесуін Қазақстанда өткізді. Ол Еуропада, яғни Польшада екі кездесу өткізді. Бір жыл бұрын Ахмедов АҚШ-ты бағындыруға кетті, ол жастар арасындағы WBC белбеуін ұтты, кейінірек NABF Junior тұжырымы бойынша чемпион атанды.

Ахмедовтың соңғы жекпе-жегі 30 желтоқсанда Алматыда өтті, ол әзірбайжандық Исмат Эйнуллаевты мерзімінен бұрын жеңді.

Әлеуметтік желілерде бөлісу