Головкинге алдымен Сондерспен жұдырықтасқаны дұрыс - Ердос Жаңабергенов

2005 жылы әлем чемпионы болған Елдос Жаңабергенов Vesti.kz тілшісіне берген сұхбатында Дэниэл Джейкобспен ұзақ жұдырықтасу Геннадий Головкинге не үшін керек болғаны жайында өз айтып берді.

- Жақсы жекпе-жек болды. Геннадий бәрін де өз бақылауында ұстады. Оған қазір 12 раундтық жекпе-жектер керек. Ұзағырақ жұдырықтасу үшін Джейкобс жақсы қарсылас болды. Осы арқылы рингті, жекпе-жекті толық сезінді. Бәрін бақылауында ұстады. Қай жерде соққы жіберіп алғанын... Жекпе-жектер көрермендерді қызықтыру керек. Сосын Джекобс қатерлі дертті жеңген адам, Геннадий оны сол үшін сыйлаған болатын. Сол үшін жанкүйерлері алдында оның абыройын төккісі келген жоқ.

- Головкиннің алдағы уақытта екі боксшымен жұдырықтасу мүмкіндігі бар. Бірі - Билли Джо Сондерс, екіншісі Сауль "Канело" Альварес. Отандасымыздың кіммен жұдырықтасқаны дұрыс болады деп ойлайсыз?

- Головкиннің орнында мен болғанда алдымен Сондерспен жұдырықтасатын едім, кейін - Альвареспен. Сондерсті жеңіп, абсолютті чемпион атанған соң Альварес ешқайда қаша алмайды.

Еске салайық, жақында 35 жастағы қазақстандық боксшының командасы Геннадий Головкиннің маусымда болуымүмкін жекпе-жегі туралы айтып берді. Өз ькезегінде британиялық Билли Джо Сондерстің жанкүйерлері тезірек келісімшартқа қол қоюға шақырып отыр. Головкин үшін тағы бір жақсы қарсылас мексикалық Сауль "Канело" Альварес барын айта кету керек.

Әлеуметтік желілерде бөлісу