Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) Бүкіләлемдік бокс кеңесінің (WBC) Мексикадағы елшісі атанды. Бұл туралы кеңестің президенті Маурисио Сулейман айтты.
"Головкин қазан айында Мексикаға келіп, бірнеше ісшараға қатысады. Қазір ол отбасымен бірген. Головкин - жас балдарға үлгі тұтатын боксшы. Ол бұған дейін ешқашан жанжалдың ортасында қалмаған.
Біз оны мақтан тұтамыз. Сондықтан ол біздің Мексикада елшіміз болады", - дейді Сулейман Boxingscene.com порталына берген сұқбатында.
Айта кетейік, Бакуде өтіп жатқан WBC кеңесінде Головкин "Жыл адамы" атанған болатын.
Жарнама