Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы
Геннадий Головкин (36-0, 33 КО) соңғы 5 жекпе-жегінде жалпы сомасы 10,6 миллион доллар сыйақы алды, деп жазады
Vesti.kz тілшісі.
Ең жоғары сыйақы көлемі 4 млн АҚШ доллары. Аталмыш қаражатты Головкинге британиялық боксшы Келл Брукқа қарсы кездесуден соң алған.
18 наурыз күні Нью-Йорк қаласында өтетін америкалық Дэниэл Джейкобсқа қарсы жекпе-жекте қазақстандық боксшының сыйақысы 3-5 миллион доллардың аралығында болмақ.
GGG-дің соңғы 5 жекпе-жегінде алған сыйақы көлемі:
5. 21.02.2015 жыл Мартин Мюррэй (Ұлыбритания) - 1,1 миллион АҚШ доллары
4. 16.05.2015 жыл. Кіші Вилли Монро (АҚШ) - 1,5 миллион АҚШ доллары
3. 17.09.2015 жыл. Дэвид Лемье (Канада) - 2 миллион АҚШ доллары
2. 23.04.2016 жыл. Доминик Уэйд (АҚШ) - 2 миллион АҚШ доллары
1. 10.09.2016 жыл. Келл Брук (Ұлыбритания) - 4 миллион АҚШ доллары
Еске сала кетейік, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Отандасымыздың бұл жекпе-жегін "Қазақстан" ҰТА мен "Kazsport" телеарнасы тікелей эфирде көрсетеді. Трансляцияның басталуы 19 наурызда 08:00-де.
Жарнама