Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0-1, 33 КО) америкалық Ванес Мартиросян (36-3-1, 21 КО) жекпе-жекке бір аптта қалғанда салмақ өлшеді.
Бұл туралы қазақстандық боксшының промоутері айтып берді.
"Геннадийдің салмағы 162,9 фунт болса, Ванестің салмағы жекпе-жекке жеті күн қалғанда 167,1 фунт болды. Екі боксшы да 168 фунттың лимитінен (орта салмақтың лимиті - ред) асып кеткен жоқ", - деп жазды Леффлер Твиттер парақшасында.
Еске салайық, Головкин мен Мартиросян арасындағы кездесуі 5 мамыр күні орта салмақта, яғни 160 фунтта өтеді. Жекпе-жек Карсон қалашығындағы (Калифорния штаты, АҚШ) StubHub Center спорт кешенінде болады. Головкин бұл кездесуде өзіне тиесілі үш белбеуін қорғайды. IBF бұл кездесуге рұқсат бермегендіктен, отандасымыз бұл белбеуін қорғамайды.
Жарнама