Головкин мен "Канело" Нью-Йоркта көз арбасты

WBA(Super) IBО IBF WBC тұжырымдары бойынша әлем чемпионы Геннадий Головкиннің (37-0, 33 КО) мексикалық Сауль "Канело" Альварестің (49-1-1, 34 КО) Нью-Йорк қаласында баспасөз жиынын өткізді, деп жазады Vesti.kz порталы.

Боксшылар баспасөз жиыны барысында тілшілердің сұрақтарына жауап беріп, көз арбасты. Еске салайық, екі боксшы осымен үшінші рет көз арбасып отыр. Бірінші рет олар жекпе-жек ресми хабарланған кезде көз арбасса, екінші рет Лондондағы баспасөз жиыны кезінде көз арбасты.

Головкин мен "Канело" медиатуры барысында енді қазақстандық боксшы тұратын Лос-Анджелес қаласына барады.

Айта кетейік, Нью-Йорктегі баспасөз жиыны барысында Головкин бұл жекпе-жекті асыға күтіп жүргенін айтып, "биг драма шоу" ұйымдастыруға уәде берді. Ал Альварес болса GGG-ді нокаутқа түсіретініне сенімді екенін жасырмады.

Еске салайық, Головкин мен "Канело" арасындағы кездесу 16 қыркүйек күні 20 мың жанкүйерге арналған Лас-Вегастағы T-Mobile Arena аренасында өтеді. Бұл спорт кешенінде мексикалық боксшы екі рет жекпе-жек өткізсе, қазақстандық боксшы бірінші рет жұдырықтасады.

Жекпе-жекте Головкинге тиесілі төрт чемпиондық белбеудің барлығы ортаға салынады. Ал "Канело" болса The Ring журналының арнайы белбеуін қояды. HBO телеарнасы кездесуді ақылы жүйе бойынша (PPV) тікелей эфирде көрсетеді.

Әлеуметтік желілерде бөлісу