Головкин мен "Канело" кездесуі нокаутпен аяқталатынына сенімдімін - Оскар Де Ла Хойя

©boxingscene.com

Golden Boy Promotions промоутерлік компаниясының басшысы Оскар Де Ла Хойя орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) мексикалық Сауль "Канело" Альварес (49-1-1, 34 КО) арасындағы жекпе-жектен не күтетінін айтып берді.

"Жекпе-жек кезінде "Канело" нағыз бабында болады. Бұған дейін ол бірнеше кило салмақ қуатын еді. Қазір Альварес нағыз орта салмақтың боксшысы. Сондықтан да жекпе-жекті ұйымдастыратын кез келді.

Олардың кездесуі нокаутпен аяқталатынына сенімдімін. Екеуінің де осы уақытқа дейінгі көрсеткіштері керемет. Головкин де, "Канело" да қазіргі уақыттағы орта салмақтағы мықты боксшылар. Тарихқа қарасақ бұл салмақтағы боксшылар көпшілікті ешқашан жабырқатпаған. Мысалы, Шугар Рэйден бастап Дюранның жекпе-жектерін тамашалаңыздар. Бұл дивизион ешқашан жанкүйерді жабырқатпайды. Бұрнағы күні Головкин мен Альварес өздерінің нағыз бабында", - деп келтіреді Де Ла Хойяның сөзін Men’s Journal порталы.

Бұған дейін Альварес Головкинді нокаутқа түсіретінін айтқан болатын. Сонымен қатар ол 16 қыркүйек күні Лас-Вегаста өтетін кездесуге қалай дайындалып жатқанын айтып берді.

Әлеуметтік желілерде бөлісу