Орта салмақта WBA Super, IBF және IBO белбеулерінің иегері Геннадий Головкин мексикалық Сауль Альварестен айласын асырған Дмитрий Биволды жеңісімен құттықтады, деп жазады Vesti.kz тілшісі.
Бүгін Лас-Вегас қаласында өткен бокс кешінде жартылай ауыр салмақтағы WBA белбеуінің иегері ресейлік Дмитрий Бивол Сауль Альвараестен үстем болды. 12 раунд қорытындысы бойынша төрешілер 115-112 есебімен жеңісті ресейлік боксшыға берді.
"Жеңіспен құттықтаймын. Барлығы әдемі. Осы қалпыңнан тайма!", - деп жазды Головкин.
Айта кетейік, мексикалықтың бұл жеңілісінен кейін Альварес пен Головкин арасындағы трилогия болмауы мүмкін. Ол туралы промоутер Эдди Хирн айтты.