Головкин - "Канело" жекпе-жегінде қазақстандық боксшының жеңгенін қалаймын - Рамаз Палиани

©boxingscene.com

1992 жылы Барселонада өткен Олимпиада ойындарының қола жүлдегері, әлем чемпионы және үш дүркін Еуропа чемпионы Рамаз Палиани Vesti.kz порталының тілшісіне Головкин мен Джейкобс арасындағы жекпе-жек туралы және Головкин мен Сауль "Канело" Альварес арасындағы өтуі мүмкін деген жекпе-жектер туралы өз ойымен бөлісті.

- Рамаз, Головкин туралы айтып берсеңіз. Оның жұдырықтасу стильі туралы ...

- Ол күшті әрі мығым боксшы. Ол бүйірден жақсы соққы жасайды.

- Головкиннің Джейкобсқа қарсы өткізген кездесуін тамашаладыңыз ба? Сіздің ойыңызша бұл кездесуде кім жеңді?

- Көрдім. Ол кездесуде Головкин жақсы жұдырықтасты. Әрине, ол жеңіске жетті. Бірақ өзі де біраз соққы жіберіп алды. Менің ойымша, ол шабуылға шыққанда, қорғанысын ұмытып кетеді. Әрбір боксшының өз кемшілігі болады. Дегенмен Головкин чемпион ...

- Головкин Сауль "Канело" Альвареспен кездесе алады ма? Егер кездесіп жатса кім жеңіске жетеді деп ойлайсыз?

- Мен ол кездесуде Головкиннің жеңгенін қалаймын. Бірақ бұл бокс. Барлығын шаршы алаң шешіп береді. Егер екі боксшының командасы келісімге келсе, Головкин жақсылап дайындалып, жеңіске жетеді. Головкин оны "сындырып", жеңіп кетеді.

Рамзан Палиани әуесқой бокста жеңіл салмақта сынға түскен. Ол өзінің карьерасында төрт елдің намысын қорғаған. Кәсіпқой бокста болса 16 кездесу өткізіп, 14 кездесуде жеңіске жетсе, 1 кездесу жеңілген, 1 кездесуде қарсыласымен тең түскен. Қазіргі уақытта ол Грузия құрамасында бапкер болып қызмет атқарады.

Әлеуметтік желілерде бөлісу