Головкин - "Канело" жекпе-жегі PPV-сатылымдары бойынша үздік ондыққа кірді

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альварес жекпе-жегі ақылы трансляциялар сатылымы (pay-per-view, PPV) бойынша бокс тарихында ең табысты кездесулер ондығына кірді, - деп хабарлайды Vesti.kz.

Los Angeles Times мәліметінше, Головкин - Альварес жекпе-жегі PPV сатылымдары бойынша 1,3 миллион жинаған. Бұл қазақстандық боксшы үшін ең рекордтық көрсеткіш. 

Егер 1991 жылдан бергі боксшылардың PPV сатылымдарын негізге алатын болсақ, тек тоғыз жекпе-жек Головкин мен Альварес жекпе-жеігн басып озған. 

Бұлар:

1. Флойд Мейвезер - Мэнни Пакьяо (2 мамыр 2015) - 4,6 миллион PPV;
2. Флойд Мейвезер - Конор МакГрегор (26 тамыз 2017) - 4,4;
3. Оскар Де Ла Хойя - Флойд Мейвезер (5 мамыр 2007) - 2,4;
4. Флойд Мейвезер - "Канело" Альварес (14 қыркүйек 2013) - 2,2;
5. Флойд Мейвезер - Мигель Котто (5 мамыр 2012) - 1,5;
6. Мэнни Пакьяо - Хуан Мануэль Маркес III (13 қараша 2011) - 1,4;
7. Оскар Де Ла Хойя - Феликс Тринидад (18 қыркүйек 1999) - 1,4;
8. Флойд Мейвезер - Шейн Мозли (1 мамыр 2010) - 1,4;
9. Мэнни Пакьяо - Шейн Мозли (7 мамыр 2011) - 1,34;
10. Геннадий Головкин - "Канело" Альварес (16 қыркүйек 2017) - 1,3.

Сонымен қатар, Головкин - "Канело" жекпе-жегі бокс тарихында билеттер сатылымы бойынша үздік үштікке енді. Невада штатының Спорттық комиссиясының (NSAC) мәліметі бойынша, бұл кездесуге 17 318 билет сатылған. Жалпы бұл билеттердің сатылымынан 27 059 850 доллар пайда түскен. Тағы 934  билет тегін таратылған.

Жалпы билеттердің сатылымы бойынша қазіргі уақытта бірінші орында 2015 жылдың 5 мамыр күні өткен кіші Флойд Мейвезер мен Мэнни Пакьяо арасындағы кездесу көш бастап тұр. Бұл жекпе-жектің билеттері 72,2 миллион долларға сатылған. Екінші орында 2017 жылдың 26 тамызында өткен Флойд Мейвезер мен Конор МакГрегор арасындағы кездесу орналасқан. Ұйымдастырушылар бұл шоудың бидеттерін 55,4 миллион долларға сатыпты.