Головкин - "Канело" бокс кешінде WBA белбеуі сарапқа салынады

Орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин (37-0, 33 КО) мен мексикалық Сауль "Канело" Альварес (49-1-1, 34 КО) арасында өтетін бокс кешінде жартылай жеңіл салмақтағы WBA белбеуі сарапқа салынады.

Бұл белбеуге жартылай орат салмақта өнер көрсететін пуэрто-рикалық боксшы Хесус Рохас (25-1-2 18 КО) доминикалық Хесус Рохас (25-1-2 18 КО) пен доминикалық Клаудио Марреро (22-1, 16 KO) таласады.

"Әлі бұл жаңалықтың шын екеніне сене алар емеспін. Жалпы бокста менің жолым болғыш спорт емеспін. Барлығына еңбектеніп жетемін.

Алдымен WBA бізге жекпе-жекті ұйымдастыруға 30 күн уақыт берген еді. Ал өткен жұма күні жекпе-жектің 16 қыркүйек күні өтеді", - деп келтіреді Рохастың сөзін BoxingScene порталы.

Айта кетейік, бүгін бұл бокс кешінде жұдырықтасатын тағы бір боксшының есімі белгілі болған еді. Ол америкалық Райан Мартин (19-0, 11 КО). Бірақ оның қарсыласы белгілі болған жоқ.

Бұған дейін Головкин – «Канело» бокс кешінің андеркартында қатысатын екі жұптың есімі белгілі болды. Олар – Де Ла Хойя (19-0, 9 КО) – Рэнди Кабальеро (24-0, 14 КО), Антонио Ороско (26-0, 17 КО) – Роберто Ортис (35-1, 26 КО ).

Еске салайық, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық "The Ring" журналының белбеуін бәске тігеді.

Әлеуметтік желілерде бөлісу