Головкин - "Канело" андеркартында жұдырықтасатын бір боксшы ауысты

16 қыркүйекте Лас-Вегаста қазақстандық Геннадий Головкин мен мексикалық Сауль "Канело" Альварес жекпе-жегінің андеркартында жұдырықтасатын боксшы ауысты.

Мұның алдында бұл бокс кешінде амрикалық Джозеф Диас (24-0, 13 КО) пен британиялық Джош Уоррингтон (25-0, 5 КО) жұдырықтасуы мүмкін екені айтылған, ал бұл жекпе-жектің жеңімпазы жартылай орта салмақта WBC чемпионы амрикалық Гари Расселге (28-1, 17 КО) міндетті қарсылас болатын еді.

WBC ұйымы Диас пен Уоррингтон жекпе-жегіне рұқсат берген болатын. Екі боксшының командасына жекпе-жекті ұйымдастырып, келісімшарт жасау үшін 11 тамызға дейін уақыт берілген, одан кейін промоутерлер саудасы басталу керек болтын.

Алайда Уоррингтонның промоутері Фрэнк Уоррен промоутерлік саудаға қатыспайтынын мәлімдеді.

BoxingScene ақпараты бойынша, британдық боксшының орнына енді рейтингте екнші орында тұрған мексикалық Хорхе Лара (29-0-2, 21 KO) жұдырықтасатын болды. Ал Диас бұл рейтингте тек бесінші орында екенін айта кетейік.

Алайда бұл боксшылардың жұдырықтасатыны туралы ресми ақпарат жоқ.

Әлеуметтік желілерде бөлісу