Головкин Халықаралық бокс форумына қатысу үшін Сочиге келді

Геннадий Головкин. ©: HBO

Орта салмақтағы WBС, WBA (Super), IBF және IBO тұжырымдары бойынша әлем чемпионы Геннадий Головкин (37-0-1, 33 КО) Ресейдің Сочи қаласында өтіп жатқан Халықаралық бокс форумына келді, деп хабарлайды Vesti.kz порталы.

Халықаралық бокс форумы Сочи қаласында 1 және 4 ақпан аралығында өтеді. Бұл жиында бірінші рет кәсіпқой бокстағы ең беделді WBA, WBC, WBO және IBF ұйымдардың басшылары жиналады. Сонымен қатар бұл отырысқа Халықаралық әуесқойлар бокс ассоциясы AIBA) мүшелері қатысады. Головкин кәсіпқой бокстың атынан сөз сөйлейді. Сонымен қатар бұл жиынға танымал промоутер Оскар Де Ла Хойя да келеді деп күтілуде.

Бұл жиын барысында сондай-ақ әр ұйымның промоутерлерінің отырысы да болады.

Головкиннің Сочиге келгені туралы суретті Бүкіләлемдік бокс кеңесінің (WBC) президенті Маурисио Сулейман әлеуметтік желісіне салды.

@GGGBoxing with the youth of #Sochi #Rusia @WBCBoxing pic.twitter.com/0a5KeEQD5E
— Mauricio Sulaiman (@wbcmoro) 1 февраля 2018 г.

Жиын барысында World Boxing Super Series (WBSS) жобасының жартылай финалдық кездесуі өтеді. Онда ресейлік Мурат Гассиев (25-0, 18 КО) пен кубалық Юниер Дортикос (22-0, 21 КО) кездеседі. "Большой" спорт кешенінде өтетін бұл кездесуде боксшымен IBF және WBA (Regular) белбеулеріне таласады.

Айта кетейік, Гассиев пен Головкин соңғы жылдары Big Bear (Калифорния штаты, АҚШ) лагерінде танымал маман Абель Санчестің қол астында жаттығады.

Әлеуметтік желілерде бөлісу