Қазақстандық боксшы Геннадий Головкин (40-1-1, 35 КО) 2000 жылдар басында үлкен допинг дауына іліккен Виктор Контемен жұмыс істейтін болды, - деп хабарлайды
Allboxing.
Басылым мәліметінше, Конте кейін жанжалға тап болған BALCO компаниясын құрған. Компания тергеуге алынған еді.
Виктор Контенің кім екенін бокс сарапшысы Григорий Стангрит айтып берді.
"Конте қызметін 80-жылдары бастаған. Спортшылар организміндегі жетіспейтін минералдарды анықтайтын компания ашады. Компания мамандары минералдарды толтыратын және спорттағы көрсеткішті арттыратын бағдарлама жасайтын еді. Бір жылдан соң ол компанияны жауып тастады, себебі одан пайда түспеді. Ал ақша қайда болады - тыйым салынған допинг-препараттар нарығында...", - деді маман FightSpace арнасына.