Los Angeles Times журналисі
Лэнс Пагмайер қазақстандық
Геннадий Головкин мен мексикалық
Сауль "Канело" Альварестің жекпе-жегінің реванш пункті қандай болатынын анықтады, - деп хабарлайды
Vesti.kz.
Реванш жекпе-жек қорытындысына байланысты болады екен. Боксшылар тең жағдайда болмайды.
"Головкин 16 қыркүйекте жеңсе, "Канелоға" реванш өткізуге мүмкіндік беруі тиіс. Ал "Канело" жеңсе, ол келесі қарсыласының кім болатынын өзі таңдайды", - деп хабарлады Пагмайер.
Головкин - Альварес жекпе-жегі 16 қыркүйекте өтеді. Жекпе-жектің болатын орны әзірше белгісіз. Алайда АҚШ-тағы үш арена аталып отыр. "Канелоның" командасы Лас-Вегастағы T-Mobile аренасын алдын ала жалдап, Невада штатының Атлеттер комиссиясына Головкинмен жекпе-жек ұйымдастыруға өтініш білдіріп үлгерді.
Жарнама