Головиннің бапкері Джейкобстың кемшіліктерін айтып берді

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкиннің (36-0, 33 КО) бапкері Абель Санчес америкалық боксшы Дэниэл Джейкобстың (32-1, 29 КО) кемшіліктерін айтып берді.

Бұл екі боксшы арасындағы жекпе-жекке 30 күн қалғанда екі споршы да салмақ өлшеген еді. Оның қорытындысы бойынша Головкиннің салмағы 165,1 фунт (74,89 келі) болса, Джейкобстың салмағы отандасымыздан бес келі ауыр, яғни 174,8 фунт (79,29 келі) болды. Дегенмен де екі боксшы да шектеу қойылған 176 фунттан (79,8 келі) асып кетпеді.

"Мен Головкиннің мықты қарсыласқа қарсы шаршы алаңға шығатынына қуаныштымын. Джейкобс салмағының ауыр болғаны оған кедергі жасайтынын түсінетін шығар деп үміттенемін. Өйткені, артық салмақ оның қимылын баяулатады. 15-20 фунт артық салмақ оның күшін керемет көбейтеді деп ойламаймын. Ол алдағы жекпе-жекте жылдам болуы керек. Ал егер ол тым ауыр болып кететін болса, бұл оның басты кемшілі болады. Менің оның күшін жақсы білемін. Бірақ ол кезде Джейкобстың салмағы мұнша ауыр емес еді", - дейді Санчес Fighthub.com порталына берген сұхбатында.

Еске салайық, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақал трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді.

Әлеуметтік желілерде бөлісу