Геннадий Головкин өзіне айтылған сынға жауап берді

©The Sun

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (36-0, 33 КО) Los Angeles Times басылымына берген сұқбатында Джейкобспен болатын кездесуге дайындығы және де өзіне айтылған сынға жауап берді, - деп хабарлайды Vesti.kz.

"Джейкобс - жақсы қарсылас, мен күн сайын зор ынтамен дайындалуым қажет. Ол - тамаша жігіт. Мен оның жекпе-жектерін көрдім теледидардан, ол ортаңғы дивизионда өзін жақсы ұстайды, - дейді Головкин. - Менің бапкерім Абель Санческе рақмет, мен өз жұмысымды істеймін - мен 100 пайызға жиналуым қажет.

Мен тек қана қол мен аяқты қозғалтып қана қоймай барлық жерімді іске қосып жатырмын. Мен бұл кездесуге 100 пайыз дайынмын. Бұл біз үшін де, жанкүйерлер үшін де үлкен кездесу.

Боксты шын жақсы көретін нағыз жанкүйерлер менің кім екенімді біледі. Мен кейбір ақылынан адасқандарды айтпаймын. Нағыз жанкүйерлер мені қолдайды. PPV қаралымына салыстырсақ Давид Лемье Канаданың тумасы, ал Джейкобс Нью-Йорктің Бруклинінен. Сондықтан да көрермендерің саны көп болады деп ойлаймын", - дейді қазақстандық боксшы

Еске сала кетейік, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақылы трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді. Отандасымыздың бұл жекпе-жегін "Қазақстан" ҰТА мен "Kazsport" телеарнасы тікелей эфирде көрсетеді. Трансляцияның басталуы 19 наурызда 08:00-де.

Әлеуметтік желілерде бөлісу