Фируза Шарипова чемпиондық белбеу саны бойынша Геннадий Головкиннен асып түсуі ықтимал

Суреттің Фируза Шарипованың командасы ұсынды.

Қазақстандық бұрымды кәсіпқой боксшы Фируза Шарипов чемпиондық белбеу саны бойынша Геннадий Головкиннен асып түсі мүмкін. Мұндай пікірді боксшының командасы айтып отыр.

Шарипованың баспасөз қызметінің хабарлауынша, қазірші уақытта ол екі салмақта чемпиондық белбеудің иегері. Жуық арада ол үшінші салмақта чемпиондық белбеуді жеңіп алып, рекорд орнатуға ниетті.

Маусым айында Санкт-Петербург қаласында өткізетін кездесуде Шарипованың қарсыласы аргентиналық Анна Лауро Эстече болуы мүмкін. Ол қазіргі уақытта бірінші орта салмақта WBA, WBO және IBF тұжырымдарының чемпиондық белбеулеріне ие.

WBC Фируза Шарипованың әлем чемпионы Ева Вальстреммен жекпе-жек өткізуіне рұқсат берді

Одан бөлек, отандасымыздың 24 қазан күні Монако қаласында өткізетін кездесуіндегі қарсыласы белгілі. Ол - екінші жеңіл салмақта әлемдік рейтингте бірінші тұрған финляндиялық Ева Вальстрем. Егер Фируза бұл кездесуде жеңіске жететін болса, WBC белбеуіне ие болады.

Салыстырмалы түрде алып қарайтын болсақ, қазіргі уақытта қазақстанның ең танымал боксшысы Геннадий Головкин төрт, яғни WBC, WBA (Super), IBF және IBO чемпиондық белбеулерінің иегері. Алдағы кездесулерінде Шарипова жеңіске жететін болса, үш салмақ дәрежесі бойынша алты чемпиондық белбеуге ие болады.

Әлеуметтік желілерде бөлісу