Эрисланди Лара келер жылы Қанат Исламның салмағындағы барлық белбеуді жеңіп алуға ниетті

©:boxingscene.com

Бірінші орта салмақтағы WBA белбеуінің иегері кубалық Эрисланди Лара (25-2-2, 14 КО) келер жылы осы салмақтағы барлық белбеуді жеңіп алуға ниетті екенін хабарлады.

"Мен бірінші кезекте бірінші орта салмақтағы WBC белбеуінің иегері Джермалл Чарломен кездескім келеді. Содан соң IBF белбеуін иеленіп отырған Джарретт Хёрдпен кездесу жоспарда бар. Мен бұл боксшылардың екеуімен де кездесуге дайынмын. Олар да менімен кездесуге қарсы болмайтын шығар. Өйткені, бұл кездесуді жанкүйерлер асыға күтіп отыр.

Шаршы алаңға келер жылдың сәуір немесе наурыз айында қайта ораламын деп отырмын. Мен бірінші орта салмақтың ең үздік боксшысымын. Бұл салмақта барлық белбеулерді жинайтын уақыт келді", - деп келітері Лараның сөзін Boxingtalk порталы.

Айта кетейік, кеше Бүкіләлемдік бокс кеңесі (WBA) бірінші орта салмақтағы суперчемпион кубалық Эрисланди Лара (25-2-2, 14 КО) мен осы салмақтағы чемпион аргентиналық Брайан Карлос Кастаньо (14-0, 10 КО) арасындағы кездесуді ұйымдастыратынын айтты. Жекпе-жек биылғы жылдың соңында немесе келер жылдың басында өтуі мүмкін.

Бүгінгі таңда бірінші орта салмақтағы WBA белбеуі қазақстандық WBO NABO және WBA Inter-Continental белбеулерінің иегері Қанат Исламға (25-0, 20 КО) тиесілі. Бұған дейін аргентиналық тілші Кастаньоның негізгі қарсыласы Ислам болады деген болатын.

Әлеуметтік желілерде бөлісу