Дычконың спарринг қарсыласы допинг қолданғаны үшін жазаланды

Аса ауыр салмақта өнер көрсететін қазақстандық кәсіпқой боксшы Иван Дычконың спарринг қарсыласы кубалық Луис Ортис допинг қолданғаны үшін жазаға тартылады.

Спортшыларға рұқсат етілмеген дәрумен қолданғаны үшін 25 мың доллар көлемінде айыппұл салынды. Сонымен қатар 38 жастағы боксшыны Халықаралық допингке қарсы тұру агенттігі (VADA) жарты жылдың ішінде кез келген уақытта тексереді. Кубалық боксшы допинг сынаққа кеткен шығынның барлығын өз қалтасынан төлейді.

Егер боксшы бұл жазамен келіспейтін болса, онда оны барлық белді деген бокс ұйымдары жарыстардан шеттетеді.

Еске салайық, Ортис 4 қараша күні WBC белбеуі үшін Дионтэй Уайлдермен жекпе-жек өткізу керек еді. Бірақ қыркүйек айының соңында оның қанынан рұқсат етілмеген дәрумен табылып, бұл жекпе-жек өтпейтін болды.

Айта кетейік, Ортис бірінші рет допинг дауына ілігіп отырған жоқ. 2014 жылы ол Латиф Кайодені жеңгеннен кейін, кубалық боксшының қанынан доипнг табылған болатын.

Әлеуметтік желілерде бөлісу