Джейкобс Головкинге тосын сый жасауы мүмкін - НВО комментаторы

HBO, ESPN, Fox және Showtime секілді телеарналардың комментаторы Боб Шеридан Vesti.kz тілшісіне WBA (Super), IBO, WBC и IBF тұжырымдары бойынша әлем чемпионы қазақстандық Геннадий Головкин (36-0, 33 КО) мен WBA тұжырымының чемпионы америкалық Дэниль Джейкобс 32-1, 29 КО) арасындағы жекпе-жектен не күтетінін айтып берді.

- Джейкобс пен Головкин арасындағы жекпе-жекті асыға күтіп отырмын. Екі боксшы қарсыластарын көп нокаутқа түсірген. Сондықтан да менен Головкин қай раудта жеңеді деп көп сұрайды. Алдын ала тон пішкім келмейді. Джейкобс Головкинге тосын сый жасауы мүмкін. Әрине, көпшілік секілді мен бұл кездесуде Головкинді фоварит санаймын. Дегенмен Джейкобстың да мүмкіндігі бар. Қалай десек те бізді керемет жекпе-жек, ал Головкинді үлкен сынақ күтіп тұр. Сондықтан да оған Дэниельге немқұрайлы қарауға болмайды, - дейді Шеридан.

- Головкин "Канело" жекпе-жегі туралы не айта аласыз?

- Головкин мен Альварестің айқасы жылдың ең үздік жекпе-жегі болар еді. Бұл кездесудің биыл өтетініне сенімдімін. Екі теңдей деңгейлі боксшылардың айқасы болады.

- Астанада өтетін WBC конференциясына келу туралы ойыңыз бар ма?

- Мен Астанадағы WBC конференциясына қуана барамын. Маған сіздердің еліңіз қатты ұнайды. Қазақстан - қонақжай ел.

Айта кетейік, 72 жастағы Шеридан бокстың құрмет залына аты жазылған тұлған. Комментатор ретінде ол мыңнан аса жекпе-жек жүргізген. Ол Мұхаммед Әли, Джо Фрейзер, Шугар Рэй Леонард, Роберт Дюран, Леннокс Льюис, Бернард Хопкинс және басқа да атақты боксшылардың жекпе-жектерін тікелей эфирде жүргізген. Шеридан өткен жылы Қанат Исламның жекпе-жегін көру үшін Алматыға арнайы келген еді.

Әлеуметтік желілерде бөлісу