Джейкобс - әлемдік деңгейдегі мықты боксшы - Геннадий Головкин

Геннадий Головкин. Сурет huffpost.com сайтынан

WBA (Super), IBO, WBC және IBF тұжырымдары бойынша әлем чемпионы Геннадий Головкинн (36-0, 33 КО) америкалық Дэниэл Джейкобсқа (32-1, 29 КО) қарсы жекпе-жек алдында қарсыласы жайлы пікірімен бөлісті, деп хабарлайды Vesti.kz тілшісі.

"Джейкобсқа қарсы кездесуді асыға күтіп жүрмін. Бұл жекпе-жек мен үшін үлкен сынақ болмақ. Ол әлемдік деңгейдегі мықты боксшы. Бұл маған және менің командама ұнайды. Джейкобс - қарсыласын оңай нокаутқа түсіре алатын боксшы. Оның Куиллинге қарсы жекпе-жекте жұдырықтасқаны маған қатты әсер қалдырды. Рингте ақылға салып қимылдау қажеттігін жақсы түсінемін. Бұл жекпе-жекте жеңіске жету үшін ақылымды дұрыс пайдалуым керек. Дэниелді көп көрдім, сол себепті оның қандай деңгейдегі боксшы екенін білемін. Біздің жекпе-жек жанкүйерлер үшін қызық болады деген сенімдемін", - дейді Головкин.

Еске салайық, Головкин - Джейкобс жекпе-жегі 18 наурызда Нью-Йоркте өтеді. HBO арнасы бұл жекпе-жекті ақал трансляциялар жүйесі (PPV) арқылы көрсетеді. Қазақстанда жекпе-жекті "Қазақстан" және KazSport арналары көрсетеді.

Әлеуметтік желілерде бөлісу