Джермелл Чарло Головкин мен "Канело" кездесуіне болжам жасады

Бірінші орта салмақта WBC чемпионы америкалық Джермелл Чарло (29-0, 14 КО) орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин мен мексикалық Сауль "Канело" Альварестің жекпе-жегіне болжам жасады.

"Мен Головкиннің жеңісіне сенімдімін. Көбісі "Канелоны" жеңеді дейді, ал мен Головкин жеңіске жетеді деп ойлаймын. Ол ілгерледі, мықтырақ, жылдам және күштірек. Ол аяғы жақсы жұмыс істейді, сондықтан соққыдан жақсы қашады және өзінің соққысы мықты. Менің ойымша, Головкин нокаутпен жеңетін сияқты. 11 раундта, Давид Лемьемен болғандай. Солай болады", - дейді Джермелл Тhaboxingvoice.com сайтына.

Мұның алдында Головкин-Альварес жекпе-жегіне қатыстыЧарлоның бауыры (егізі) Джермалл да өз пікірін айтқан. Оның айтуынша, тіпті Дэниэл Джейкобс өзі "Канелодан" мықты, Сондықтан алдағы кездесуде Альварес Головкинге Джейкобс сияқты да қарсылық көрсете алмайды.

Еске салайық, Головкин мен Альварес арасындағы кездесу 16 қыркүйек күні Лас-Вегастағы T-Mobile спорт кешенінде өтеді. Қазірдің өзінде бұл бокс кешінің билеттері сатылып кеткен. АҚШ жерінде жекпе-жекті НВО арнасы ақылы жүйе бойынша көрсетеді.

Әлеуметтік желілерде бөлісу