Орта салмақта WBC белбеуінің иегері америкалық Джермалл Чарло (31-0, 22 КО) өткен жексенбі күні украиналық Сергей Деревянченкоға (13-3, 10 КО) қарсы өткен кездесу туралы пікірімен бөлісті. Бұл кездесу Анкасвилл (АҚШ) қаласында өтіп, Чарло төрешілердің шешімі бойынша жеңіске жетті.
"Біз артқа бір қадам да жасамай жекпе-жек өткіздік. Бұл менің карьерамдағы ең қиын кездесулердің бірі болды. Бірақ мен бұл сынақтан өттім. Ол панчер. Әрине, кездесуде кез-келген сәтті Деревянченконың пайдасына өтіп кетуі мүмкін еді. Мен бапкерлерімнің айтқанын тыңдап, кездесуге құрған жоспарды орындадым. Оңай болмады. Дегенмен біз өз жолымыздан танбай, жеңіске жеттік.
Мен джебтің арқасында жеңіске жеттім. Оны нокаутқа түсіргім келді. Бірақ кез-келген қарсыласыңды нокаутқа түсіре бермейсің ғой.
Ең мықты деген боксшылармен кездесу өткізе аламын. Мұны барлығы біледі. Деревянченко маған қарағанда Головкинді қатты қинаған болатын. Бұл оның деңгейі жоғары деген сөз. Дегенмен мен одан да мықты екенімді дәлелдедім", - дейді Чарло.
Еске салайық, Деревянченко Геннадий Головкинмен 2019 жылдың қазанында жұдырықтасты. Бұл кездесудің бірінші раундында ол нокдаун алып қалып еді. Бірақ кездесуді ары қарай жалғастырып, 12 раундтың қорытындысы бойынша төрешілер жеңісті қазақстандық боксшыға берген болатын.
