Дэнни Гарсия Головкинді көп соққы жіберетіні үшін сынға алды

Екі салмақ дәрежесі бойынша әлемнің бұрынғы чемпионы Дэнни Гарсия (33-1, 19 КО) орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинді (37-0-1, 33 КО) мексикалық стилі үшін және қазақстандық боксшының соңғы өткізген екі жекпе-жегінде қарсыластарынан көп соққы жібергенін сынға алды.

"Головкин өз жазасын алды. Соңғы екі жекпе-жегінде тым көп соққы қабылдады. Джейкобс Головкинге ауыр соққыларын дарытты, бұл әрекетті Альваресте қайталады. Алайда олар оның басын алып қашуды үйретті. Головкин бұрындары басын ала қашпайтын, көп бүкпейтін. Иә, ол өзін мексикалық стильмен жұдырықтасатынын айтады, бірақ ұлы Хулио Сесар Чавестің өзі басын қозғайтын.

Мен жеңісті Головкинге беремін, бірақ ол соңғы өткізген екі жекпе-жегінде қарсыластарынан көп соққы жіберіп алды. Мен оның стилін өзгерткенін қалаймын. Мықты боксшылармен жұдырықтасқанда осындай дүниелер болып тұрады. Олар әлсіз жерлерді ашып жіберуі мүмкін", - деп жазады Boxingnews24.com Гарсияның сөзін.

Осыған дейін, бұрынғы чемпион "Канелоның" (49-1-2, 34 КО) Головкинді екінші жекпе-жекте қиындықсыз жеңетінін айтқан еді. Оның бапкері Роберт Гарсия да осы ойды ұстанады.

Әлеуметтік желілерде бөлісу