Орта салмақта жұдырықтасатын қазақ боксшысы Жәнібек Әлімханұлы (13-0, 18 КО) әлеуметтік желі арқылы WBC тұжырымы бойынша уақытша чемпиондық атаққа ие доминикандық Карлос Адамеске үндеу жасады, деп хабарлайды Vesti.kz.
Доминикандық боксшы осыған дейін Жәнібекті жұдырықтасуға шақырған. Ал отандасымыз бұл жекпе-жек жайлы ойлануда.
Менімен жұдырықтасқың келетінін естігенде таң қалдым. Сен чемпион болмасаң да, танымал болмасаң да, сенде батылдық бар екен. Мен мұны құрметтеймін! Сенімен қуана-қуана жұдырықтасамын. Бұл жекпе-жек маған спаррингтен де жеңіл болады! Дайын бол! - деп жазды отандасымыз.
Айта кетейік, Жәнібек Әлімханұлы орта салмақта WBO тұжырымы бойынша чемпиондық атаққа ие. 2022 жылдың қараша айында британдық Дензел Бентлимен (17-2-1, 14 КО) қарсы жекпе-жекте өз атағын сәтті қорғады.
Карлос Адамес өткен жылдың қазан айында мексикалық Хуан Масиас Монтиэльді жеңіп, орта салмақта WBC уақытша чемпиондық атағына қол жеткізген еді.