auth.social_login
Пожалуйста, подождите... Укажите email Укажите имя или псевдоним Укажите пароль Для регистрации на сайте Вы должны принять Правила сообщества Для редактирования профиля необходимо авторизоваться на сайте Укажите корректный Email material_dobavlen_v_izbrannoe Добавить в избранное Убрать из избранного Пароли не совпадают Задайте пароль для входа на сайт Хороший пароль должен содержать строчные, заглавные латинские буквы и цифры. Рекомендуется добавлять знаки препинания и задавать длину пароля не менее 8 символов Спасибо за Ваш голос! Добавить +1 Убрать +1 Выберите вариант ответа
Место
Русский Табло
Размещение рекламы: +7 700 388 81 09
RU
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Жарнама

Данияр Елеусінов Ломаченконың жолын қайталай ала ма?

Данияр Елеусінов Ломаченконың жолын қайталай ала ма?
©:ҚБФ
Кәсіпқой боксқа 2013 жылы өткен Василий Ломаченко екінші айқасында-ақ чемпиондық атаққа таласты. Ал үшіншісінде WBO чемпиондық белбеуін жеңіп алды. Әйгілі промоутер Эдди Хирннің компаниясымен келісімшартқа отырған Данияр Елеусінов украиналықтың жолын қайталай ала ма? Diamondring.kz порталы осы тақырыпты тарқатып көреді. 

Бір қарағанда екеуіне ортақ ұқсастықтар көп. Екеуі де әлем чемпионы, екеуі де Олимпиада ойындарының жеңімпазы, екеуі де Вэл Баркер кубогының иегері, екеуі де өз құрлығында чемпион атанған. Бірақ, Даниярға қарағанда «Хай-тэк» әлем мен Олимпиаданы екі реттен бағындырған. Сондай-ақ, Василий нокаутер болса, біздің боксшы техникаға иек артқанды жөн көреді. Жарайды, бұл жай ғана статистика. Дегенмен, Елеусінов кәсіпқой бокста Ломаченконың ерлігін қайталауы әбден мүмкін.

Осы келісімшарт үшін сонау Англиядан Астанаға арнайы ұшып келген Эдди Хирн кәсіпқой бокс әлемінде төңкеріс жасаған промоутерлердің бірі. Бүгінде оның атағы Англияда әккі Фрэнк Уорреннен де озып тұр. Тіпті, әлем бойынша да үздіктердің бірі. Энтони Джошуадан бастап, Дэниел Джейкобс, Тайсон Фьюрри, Келл Брук сынды жігіттерді жетелеп жүрген промоутер. Тіпті, жерлесіміз Жанат Жақияновтың бар белбеуін тартып алған Райан Барнетт те осы промоутердің боксшысы. Ал осындай боксшылары бар, осындай атағы бар промоутердің Астанаға көмекшісін жібере салмай, өзі келуі – Данияр Елеусіновке деген сенімді, құрметті көрсетсе керек. Демек, Хирн оның кәсіпқой бокстағы карьерасына үлкен сенім артып отыр. Әйтпесе, ауадан ақша жасай білетін мұндай тұлғалар ұсақ-түйекке уақытын шығын етпейді.

Енді Василий Ломаченкоға оралайық. 2013 жылы кәсіпқой боксқа ауысып, Боб Аруммен келісімшарт жасасқан. Боксшының басты талабы – жылдам уақытта чемпиондық жекпе-жекке шығу болыпты. Арум Ломаченкоға екінші айқасында-ақ чемпиондық белбеуді алдына әкеліп берді. Қарсыласы да мықты еді. Орландо Салидо. Ол кезде 33 жастағы мексикалықтың да күші тасып тұрған кезі. Ломаченко жеңіліп қалды. Алайда, Салидо келісілген салмақтан асып кеткендіктен белбеу қайта иесіз қалып, үшінші айқасында украиналық панчер ақыры өзімен бірге алып кетті. Бүгінде сол белбеуді әлі ешкімге бермей ұстап жүр.

Әлбетте, Елеусіновке Эдди Хирн екінші жекпе-жегінде-ақ чемпиондық айқас ұйымдастырып бере қоймас. Алайда, әлсіз боксшыларға уақыт жұмсай бермей, бірден үздік жүздіктегі жігіттердің бірімен кездессе деген тілек бар. Ал чемпиондық айқасқа екі-үш жыл салып, 10-шы жекпе-жегінде шықса да кеш болмас. Шындап кіріссе, Хирн оған мұндай кездесуді ұйымдастырып бере алады. Тек оған Елеусінов дайын болса болғаны. Ары қарай бәрі Даниярдың өзіне байланысты. Қазақстанда ол жұлдыз шығар, бірақ Америкада ешкім емес. Сондықтан, бірінші ретте жерлесіміз Мұхиттың арғы жағындағы жанкүйерлерді өзіне фанат ете білуі тиіс.

Ендеше 28 сәуірді күтеміз. Бұл Эдди Хирн уәде еткен дата. Бұйыртса, жерлесіміз осы күні Нью-Йоркте дебютті жекпе-жегін өткізуі тиіс.
Әлеуметтік желілерде бөлісу

Жарнама



Жарнама

Загрузка матч-центра...

Статистика
Футбол
  • Футбол
  • Хоккей
  • Футзал
  • Волейбол
  • Баскетбол
  • Бенди
  • Водное поло
  • Гандбол
  • Хоккей на траве

Жарнама

Жаңалықтар

Жарнама

Жарнама