Данияр Елеусінов кәсіпқой бокста қай салмақта өнер көрсететінін айтып берді

©: Данияр Майлыбаев

Бокстан Олимпиада ойындарының чемпионы Данияр Елеусінов кәсіпқой боксқа ауысқаны және британдық промоутер Эдди Хирнмен келісімшарт жасағанына байланысты пікірімен бөлісті, деп хабарлайды Vesti.kz порталы.

- Мұндай промоутерді таңдап берген менеджерлеріме алғым айтқым келеді. Маған қолдау білдірген Федерацияға да рақмет. Мен әуесқойлар арасында Олимпиада чемпионы атандым. Енді кәсіпқой боксқа ауысып жатырмын. Әлем чемпионы болуы мақсатында. Осы үшін ғана кәсіпқой боксқа ауыстым, - дейді Елеусінов.

- 2020 жылғы Олимпиада ойындарына қатысасың ба?

- Кәсіпқой боксшылардың көбісі Олимпиада ойындарына қатыспайды. Бірақ келісімшарт бойынша Олимпиада ойындарына қатыса аламын. Дегенмен әлем чемпиондарына Олимпиадаға қатысуға рұқсат жоқ.

- Ең әуелі қандай белбеуді көздеп отырсыз?

- Нақты мына белбеу деп айта алмаймын. Барлық белбеу үшін таласамын. Себебі, әр ұйымның шарттары әртүрлі. Бірінші қарсыласымды әлі білмеймін. Ол туралы алдағы уақытта ақылдасамыз.

- Кәсіпқой боксқа өту мәселесін Ұлттық құраманың бас бапкерімен ақылдастыңыз ба?

- Иә, мен барлығын дұрыс істедім. Барлығын келістім.

- Кәсіпқой бокста қай салмақта өнер көрсесіз. Эдди Хирнмен қанша уақытқа келісімшарт жасадыңыз?

- 66,7 келі. Үш жылға.

Әлеуметтік желілерде бөлісу