Рио Олимпиадасының чемпионы Данияр Елеусінов кәсіпқой бокстағы алғашқы жекпе-жегі алдында ресми салмақ өлшеу рәсімінен өтті.
Олимпиада және әлем чемпионы Данияр Елеусінов кәсіпқой бокстағы дебюттік жекпе-жегі алдында ресми салмақ өлшеу рәсімінен өтіп, қарсыласы Ноа Киддпен (3-0-1, 2 КО) көз арбасты. Қос спортшы да 68 келі салмақты көрсетті. Джейкобс — Сулецки арасындағы жекпе-жектің андеркартында жұдырықтасатын отандасымыз 6 раундтық жекпе-жек өткізеді.
Айта кетейік, Данияр Елеусінов жақында ғана атақты промоутерлердің бірі Эдди Хирнмен келісімшартқа отырған болатын. Отандасымыз кәсіпқой бокстағы алғашқы кездесуін Barclays Center аренасында өткізеді.
Жарнама