Данияр Елеусінов чемпиондық атаққа таласатын жекпе-жекке тезірек шығуы керек - Демьяненко

Қазақстан кәсіпқой бокс федерациясының вице-президенті Виктор Демьяненко Vesti.kz сайтына берген сұхбатында Олимпиада чемпионы Данияр Елеусіновтің кәсіпқой боксқа өтуі туралы пікірін білдірді.

Виктор Демьяненко алдымен Елеусіновке алға биік мақсаттар қоюын ұсынды. "Елеусіновтің кәсіпқой боксқа ауысқанына қуаныштымын. Егер келісімшартқа қол қойылса, Данияр үшін жақсы бастама. Қазіргі уақытта Қазақстанда кәсіпқой бокста жетістікке жете алатын мықты жігіттер көп. Менің ойымша, Даниярдың  да мүмкіндігі зор. Ең бастысы, кәсіпқой боксқа бейімделуі қажет. Дайындығы да дұрыс болғаны дұрыс, оған жақсы бапкер керек. Баршаңыз білетіндей, Ломаченко небәрі өзінің екінші және үшінші кездесулерінде чемпиондық атақ үшін жекпе-жекке шыққан еді. Ол ұйымдастырушыларға мұндай талапты Олимпиаданың екі дүркін чемпионы болғандықтан қоя алады. Сол секілді Дания да ұзаққа соза бермей, бірден чемпиондық атаққа таласатын жекпе-жекке шығуы керек", - деді Демьяненко.

Айта кетейік, бүгін Рио Олимпиадасының чемпионы, қазақстандық боксшы Данияр Елеусіновтің ресми түрде кәсіпқой боксқа өткені хабарланған еді. Ол 25 жастағы боксшы жуырда ғана құрылған "MJA Entertainment's" промоутерлік компаниясымен келісім-шарт жасады.